კამპანია “ყველანი არჩევნებზე” გთავაზობს შესაძლებლობას, იყო ცვლილების მონაწილე:
- ამ ფორმის შევსებით, შენ შეგიძლია გახდე არჩევნების დამკვირვებელი და უზრუნველყო პროცესის გამჭვირვალობა.
- თუ სოციალური მედია შენი სტიქიაა, შენი ხმა ონლაინ სივრცეს გააგონე – გაავრცელე მნიშვნელოვანი ინფორმაცია, შექმენი მიმები ან გადაიღე მოკლე ვიდეოები არჩევნების მნიშვნელობაზე.
- თუ საზღვარგარეთ ოჯახის წევრები და ნაცნობები გყავს, მიაწოდე ემიგრანტებს სრული ინფორმაცია არჩევნების შესახებ.
- თუ კრეატიულად აზროვნებ, შენი ნიჭი საარჩევნო კამპანიის იდეებისა და ვიზუალური მხარის შესაქმნელად გამოიყენე.
აირჩიე შენთვის საინტერესო მიმართულება და შემოგვიერთდი!
დამკვირვებლად ან მოხალისედ რეგისტრაციის შემთხვევაში, თქვენ თანხმობას აცხადებთ რამდენიმე საკითხზე – გთხოვთ გადახედოთ პუნქტებს:
1. თანახმა ვარ, მონაწილეობა მივიღო ა(ა)იპ მოძრაობა სირცხვილიას სადამკვირვებლო მისიაში და დავაკვირდე 2024 წლის 26 ოქტომბრის საპარლამენტო არჩევნებს იმ საარჩევნო უბანზე, რომელიც შემდგომ განისაზღვრება ორგანიზაციასთან შეთანხმებით.
ვადასტურებ, რომ სადამკვირვებლო მისიაში ჩემი მონაწილეობა არის მოხალისეობრივი და ამის სანაცვლოდ არ ვიღებ ანაზღაურებას.
2. ვადასტურებ, რომ მიუხედავად ჩემი პოლიტიკური შეხედულებებისა, როგორც დამკვირვებელი, არ გავატარებ რომელიმე პოლიტიკური პარტიის დღის წესრიგს და საარჩევნო პროცესს დავაკვირდები მიუკერძოებლად, დავიცავ ეთიკის ნორმებს.
3. თანახმა ვარ, ა(ა)იპ მოძრაობა სირცხვილიამ თავისი საქმიანობის ფარგლებში ორგანიზაციის მიერ დადგენილი რეგულაციების დაცვით დაამუშაოს და შეინახოს ჩემი პერსონალური მონაცემები: სახელი, გვარი, პირადი ნომერი, დაბადების თარიღი, რეგისტრაციისა და ფაქტობრივი მისამართი, ელექტრონული ფოსტის მისამართი და მობილური ტელეფონის ნომერი. თანხმობას ვაცხადებ იმაზეც, რომ ორგანიზაციამ კანონმდებლობით დადგენილი წესით დამარეგისტრიროს დამკვირვებლად 2024 წლის 26 ოქტომბრის საპარლამენტო არჩევნებზე და ამ მიზნით გადასცეს ცენტრალურ საარჩევნო ადმინისტრაციას ჩემი პერსონალური მონაცემები.
4. ვადასტურებ, რომ მივიღე ინფორმაცია იმის თაობაზე, რომ: ჩემი პერსონალური მონაცემების დამუშავების მიზანს წარმოადგენს 2024 წლის 26 ოქტომბრის საპარლამენტო არჩევნებზე დამკვირვებლად რეგისტრაცია და ამ ფუნქციების შესრულების უზრუნველყოფა.
5. ვადასტურებ, რომ გამოვხატავ თანხმობას ზემოაღნიშნული მიზნებით ჩემს შესახებ მონაცემების დამუშავების თაობაზე.
6. ვადასტურებ, რომ ეს თანხმობა არის ნებაყოფლობითი და წარმოადგენს ჩემი თავისუფალი ნების გამოვლინებას.
1. თანახმა ვარ, მონაწილეობა მივიღო ა(ა)იპ მოძრაობა სირცხვილიას მოხალისეობრივ საქმიანობაში და ორგანიზაციას დავეხმარო ინფორმაციისა და ნაბეჭდი მასალების გავრცელებაში, აქტივობების დაგეგმვასა და აღსრულებაში, კონტენტის შექმნასა და სხვა აქტივობების განხორციელებაში.
2. ვადასტურებ, რომ ჩემი საქმიანობა არის მოხალისეობრივი და ამის სანაცვლოდ არ ვიღებ ანაზღაურებას.
3. ვადასტურებ, რომ მიუხედავად ჩემი პოლიტიკური შეხედულებებისა, როგორც მოხალისე, არ გავატარებ რომელიმე პოლიტიკური პარტიის დღის წესრიგს და დავიცავ ეთიკის ნორმებს.
4. თანახმა ვარ, ა(ა)იპ მოძრაობა სირცხვილიამ თავისი საქმიანობის ფარგლებში ორგანიზაციის მიერ დადგენილი რეგულაციების დაცვით დაამუშაოს და შეინახოს ჩემი პერსონალური მონაცემები: სახელი, გვარი, პირადი ნომერი, დაბადების თარიღი, რეგისტრაციისა და ფაქტობრივი მისამართი, ელექტრონული ფოსტის მისამართი და მობილური ტელეფონის ნომერი.
5. ვადასტურებ, რომ მივიღე ინფორმაცია იმის თაობაზე, რომ: ჩემი პერსონალური მონაცემების დამუშავების მიზანს წარმოადგენს მოხალისის ფუნქციების შესრულების უზრუნველყოფა.
6. ვადასტურებ, რომ გამოვხატავ თანხმობას ზემოაღნიშნული მიზნებით ჩემს შესახებ მონაცემების დამუშავების თაობაზე.
7. ვადასტურებ, რომ ეს თანხმობა არის ნებაყოფლობითი და წარმოადგენს ჩემი თავისუფალი ნების გამოვლინებას.
