დააფინანსე კამპანია

შენი წვლილი დემოკრატიული საქართველოსთვის

რატომ არის თქვენი დახმარება მნიშვნელოვანი?

საპარლამენტო არჩევნებამდე ცოტა დროა დარჩენილი. ახლა, როგორც არასდროს, ქვეყანაში პოზიტიური ცვლილებებისთვის თითოეული ჩვენგანის ძალისხმევაა საჭირო. თქვენი დონაცია დაგვეხმარება, რომ განვახორციელოთ კამპანიის ფარგლებში დაგეგმილი აქტივობები.

რას მოხმარდება თქვენი დონაცია?

1. საინფორმაციო კამპანიის გაძლიერება

თქვენი მხარდაჭერით შევქმნით და გავავრცელებთ კამპანიის მასალებს სოციალურ ქსელებში. ეს საშუალებას მოგვცემს, უფრო მეტ მოქალაქეს მივაწვდინოთ ხმა და გავაცნოთ ჩვენი მიზნები, რაც გაზრდის საზოგადოების ჩართულობას არჩევნების პროცესში.

2. დამკვირვებელთა მხარდაჭერა

მოხალისე დამკვირვებლების ხარჯების უზრუნველყოფით, ჩვენ ვზრუნავთ იმაზე, რომ მათ ჰქონდეთ საჭირო რესურსები გამჭვირვალე და სამართლიანი არჩევნების ხელშესაწყობად. ეს მოიცავს ტრენინგებს, სატრანსპორტო ხარჯებს და სხვა აუცილებელ მხარდაჭერას.

3. ემიგრანტების ჩართულობის გაზრდა

ვახორციელებთ ორ მნიშვნელოვან ინიციატივას: ემიგრანტების მობილიზების კამპანიას და “დაიმგზავრე” პროგრამას. ამით ვცდილობთ უზრუნველვყოთ, რომ დაახლოებით ერთი მილიონი ემიგრანტი მოქალაქის ხმა არ დაიკარგოს. ტრანსპორტის დაფინანსებით, მეტ ემიგრანტს ექნება შესაძლებლობა მივიდეს არჩევნებზე.

4. ინფორმაციის ხელმისაწვდომობის გაუმჯობესება

ვებგვერდის განვითარებით გავაუმჯობესებთ ჩვენს ონლაინ პლატფორმას. ეს საშუალებას მოგვცემს მეტი ინფორმაცია და რესურსი მივაწოდოთ მხარდამჭერებს, გავზარდოთ გამჭვირვალობა და გავაადვილოთ მოქალაქეების ჩართულობა.

5. საზოგადოებასთან პირდაპირი კომუნიკაცია

ვგეგმავთ შეხვედრების ორგანიზებას მოქალაქეებთან და მოხალისეებთან. ეს პირისპირ შეხვედრები საშუალებას მოგვცემს განვიხილოთ ჩვენი გეგმები და მიზნები, მოვისმინოთ მოსაზრებები და გავაძლიეროთ ჩვენი ერთობა.

გაითვალისწინეთ!

ჩვენი დონორი შეიძლება გახდეს ნებისმიერი ინდივიდი, მხოლოდ იმ შემთხვევაში, თუ შემოწირულობა არ ახდენს გავლენას ორგანიზაციის საქმიანობის დამოუკიდებლობაზე, არ ეწინააღმდეგება ჩვენს პრინციპებს და არ უქმნის საფრთხეს ორგანიზაციის რეპუტაციას. “მოძრაობა სირცხვილია” არ იღებს დონაციას პოლიტიკური პარტიებისგან, მათი წევრებისგან ან პოლიტიკურ პარტიებთან დაკავშირებული პირებისგან.