საარჩევნო სიაში შენი თავის გადამოწმება შეგიძლია აქ 👇

პირადი ნომრისა და გვარის ჩაწერის შემდეგ საჭიროა მონიშნოთ “მე არ ვარ რობოტი” და დააჭიროთ ძიებას, რის შემდეგაც თქვენი პირადი ინფორმაცია გამოჩნდება.

აქვე შეგიძლიათ ამავე მისამართზე რეგისტრირებულ ამომრჩეველთა სიაც გადაამოწმოთ.

თუ შემთხვევით აღმოაჩენთ, რომ საარჩევნო სიაში თქვენს მისამართზე უცხო ადამიანია რეგისტრირებული, მისი ამოწერა მარტივად შეიძლება. ამისთვის საჭიროა ბინის მფლობელმა განცხადება დაწეროს იუსტიციის სახლში (სახელმწიფო სერვისების განვითარების სააგენტოში).

სიაში საკუთარი მონაცემების გადამოწმებისას მოქალაქეს მის საარჩევნო უბანზე ინფორმაციის მიღებაც შეუძლია.

თუ ამომრჩეველს ჯანმრთელობის მდგომარეობის გამო არ შეუძლია კენჭისყრის შენობაში მისვლა, მას უფლება აქვს მოითხოვოს გადასატანი საარჩევნო ყუთით ხმის მიცემა. 

გადასატანი საარჩევნო ყუთით ხმის მიცემისთვის ამომრჩეველმა საუბნო საარჩევნო კომისიას უნდა მიმართოს 15 ოქტომბრის 18:00 საათამდე, წერილობით ან ტელეფონის მეშვეობით.

თქვენი საარჩევნო უბნის სატელეფონო ნომრის გარკვევა შეგიძლიათ ცესკოს კონტაქტ ჰაბის ტელეფონის ნომერზე: 032 251-00-51

წერილობით მიმართვის შემთხვევაში განცხადებაში მითითებული იყოს:

• ამომრჩევლის სახელი და გვარი;
• პირადი ნომერი;
• მისამართი, სადაც ამომრჩეველი ითხოვს გადასატანი საარჩევნო ყუთის მიტანას. 

გადასატანი საარჩევნო ყუთის სია დგება იმ ამომრჩეველთა ერთიანი და სპეციალური სიების საფუძველზე, ვისაც:

• ჯანმრთელობის მდგომარეობის გამო არ შეუძლია კენჭისყრის შენობაში მისვლა;
• იმყოფება პატიმრობაში;
• სამკურნალოდ წევს საავადმყოფოში ან სხვა სტაციონარულ სამკურნალო დაწესებულებაში და მასში არ იხსნება საარჩევნო უბანი;
• იმყოფება ადმინისტრაციულ პატიმრობაში;

ვის და რა ფორმით შეუძლია მიმართოს ეტლით მოსარგებლე ამომრჩეველმა საარჩევნო უბნის შეცვლის მიზნით?

წერილობით ან ზეპირი განცხადებით შესაბამის საოლქო ან საუბნო საარჩევნო კომისიას.

ადაპტირებული/მისაწვდომი საარჩევნო უბნების შესახებ განახლებული ინფორმაცია ცესკოს ვებგვერდზე განთავსდება (ბანერში „საარჩევნო რუკა“)

რამდენი დღით ადრე უნდა მიმართოს ეტლით მოსარგებლე ამომრჩეველმა შესაბამის საოლქო ან საუბნო საარჩევნო კომისიას საარჩევნო უბნის შეცვლის მიზნით?

ეტლით მოსარგებლე ამომრჩეველმა შესაბამის საოლქო ან საუბნო საარჩევნო კომისიას არჩევნებამდე მინიმუმ 11 დღით ადრე უნდა მიმართოს.

არჩევნები 26 ოქტომბერს ჩატარდება, შესაბამისად, წელს ეტლით მოსარგებლეებს დრო 15 ოქტომბრამდე ექნებათ.

შეზღუდული შესაძლებლობის მქონე ამომრჩევლებს საარჩევნო ადმინისტრაცია შემდეგ სერვისებს შესთავაზებს:

• უსინათლო ამომრჩევლებს – საარჩევნო ბიულეტენის შესავსებ ჩარჩო/ფორმას;
• მცირემხედველ ამომრჩევლებს – ორ ცალ გამადიდებელ ლინზას;
• ეტლით მოსარგებლე ამომრჩევლებს – ადაპტირებულ საარჩევნო უბნებზე ხმის მიცემის სპეციალურ კაბინას;
• ყრუ და სმენადაქვეითებულ ამომრჩევლებს – კონტაქტ-ჰაბის ჟესტური ენის მცოდნე ოპერატორის მომსახურებას;
• ყრუ, სმენადაქვეითებულ და მხარდაჭერის მიმღებ პირებს – ყველა საარჩევნო უბანზე გამოკრულ კენჭისყრაში მონაწილეობის ამსახველ პოსტერს. პოსტერზე დატანილი იქნება QR კოდი, რომელიც საშუალებას მისცემს ყრუ და სმენადაქვეითებულ ამომრჩევლებს ხმის მიცემის პროცედურების შესახებ ინფორმაცია მიიღონ ჟესტურ ენაზე და ხმოვან ფორმატში.

კოდექსის მიხედვით, საარჩევნო უბანზე ცესკომ ისეთი ტექნოლოგიის გამოყენება უნდა უზრუნველყოს, რომელიც მხედველობის გამო შეზღუდული შესაძლებლობის მქონე ამომრჩევლებს საარჩევნო ბიულეტენის დამოუკიდებლად შევსების საშუალებას მისცემს.

საქართველოს საარჩევნო ისტორიაში დღეს, როგორც არასდროს, გვჭირდება მოხალისე დამკვირვებლების უპრეცედენტო მობილიზება. ამ მიზნის მისაღწევად შენი ენთუზიაზმი და ჩართულობაა აუცილებელი.

ალბათ, ყველა ვიცნობთ ერთ ადამიანს მაინც, ვინც რეგიონიდან დედაქალაქში სასწავლებლად, სამუშაოდ თუ უბრალოდ საცხოვრებლად არის ჩამოსული. გვესმის, რომ არჩევნების დღეს ზღვისპირეთში, მთიან რაიონებსა და სხვა რეგიონებში დაბრუნება დროსთან, ხარჯებთან და დისკომფორთან არის დაკავშირებული. ამ სირთულეების გასამარტივებლად კი შევქმენით ფეისბუქ ჯგუფი:

ჯგუფში დამატებით შეგიძლიათ იპოვოთ თანარეგიონელები, რომლებთან ერთადაც არჩევნებზე წასვლა უფრო სწრაფი, მარტივი და საინტერესო იქნება.

დაემატეთ ფეისბუქ ჯგუფში და 26 ოქტომბერს გაიყოლეთ არჩევნებზე.

საქართველოს მოქალაქე ხმას რეგისტრაციის მისამართზე აძლევს, თუმცა, თუ მოქალაქის ფაქტობრივი მისამართი განსხვავებულია და არჩევნების დღეს რეგისტრირებულ მისამართზე მისვლას ვერ ახერხებს, მისამართის შეცვლა შესაძლებელია.

რეგისტრაციის მისამართის შეცვლისთვის აუცილებელია, მოქალაქემ იუსტიციის სახლში ან საზოგადოებრივ ცენტრში წარადგინოს საბუთები ან ონლაინ შეავსოს განაცხადი ამ 👇

წარსადგენი საბუთები, რომლებსაც ადგილზე შეგავსებინებენ:

1. საცხოვრებლის მესაკუთრის თანხმობა.
   შესაძლებელია, იუსტიციის სახლში მიხვიდეთ ერთად ან ჯერ მიხვიდეთ თქვენ, შემდეგ კი მესაკუთრე დასტურისათვის. შესაძლებელია, რომ ამისთვის განცხადების შემტანი და მესაკუთრე სხვადასხვა იუსტიციის სახლს ეწვიონ.
   ან
2. ორი სრულწლოვანი პირის წერილობითი დასტური, რომ მოქალაქე ბოლო 3 თვის განმავლობაში ცხოვრობს კონკრეტულ მისამართზე (გაითვალისწინეთ, რომ საჭირო იქნება ამ პირების დამადასტურებელი მოწმობები).

რეგისტრაციიდან მოხსნა შესაძლებელია:

1. პირის მიერ ახალ მისამართზე რეგისტრაციის დროს განცხადების საფუძველზე;
2. საცხოვრისის მესაკუთრის მოთხოვნით ან ორი სრულწლოვანი, ქმედუნარიანი პირის წერილობითი განაცხადით.

ვიდეო ინსტრუქციის სანახავად გადადით 👇