İnternet səhifəsi vasitəsilə seçki siyahısında özünü yoxlaya bilərsən👇

Şəxsi nömrənizi və soyadınızı daxil etdikdən sonra “Mən robot deyiləm”i işarələyib axtarış düyməsinə basmaq lazımdır, bundan sonra şəxsi məlumatlarınız görünəcək.

Burada eyni ünvanda qeydiyyatda olan seçicilərin siyahısı ilə də tanış ola bilərsiniz.

Əgər təsadüfən seçici siyahılarında sizin ünvanda yad adamın qeydiyyatdan keçdiyini görsəniz, onu asanlıqla silə bilərsiniz. Bunun üçün mənzil sahibi Ədliyyə Evinə (dövlət xidmətlərinin inkişafı agentliyi) ərizə yazmalıdır.

Vətəndaş siyahıda öz məlumatlarını yoxlayarkən, öz seçki məntəqəsi haqqında da məlumat ala bilər.

Seçici sağlamlıq səbəbindən seçki məntəqəsinə gedə bilmirsə, daşınan seçki qutusu vasitəsilə səsvermə tələb etmək hüququna malikdir.

Daşınan seçki qutusu vasitəsilə səs vermək üçün seçici 15 oktyabr saat 18:00-a qədər dairə seçki komissiyası ilə yazılı şəkildə və ya telefonla əlaqə saxlamalıdır.

Seçki məntəqənizin telefon nömrəsini Mərkəzi Seçki Komissiyasının əlaqə mərkəzinə 032 251-00-51 nömrəsinə zəng etməklə öyrənə bilərsiniz.

Yazılı müraciət halında, aşağıdakı məlumatlar daxil edilməlidir:

• Seçicinin adı və soyadı;
• Şəxsi identifikasiya nömrəsi;
• Seçicinin daşınan seçki qutusunun çatdırılmasını tələb etdiyi ünvan. 

Daşınan seçki qutusu vasitəsilə səs verən seçicilərin siyahısı aşağıdakı şəxslərin birləşdirilmiş və xüsusi siyahıları əsasında tərtib edilir:

• Sağlamlıq səbəbindən seçki məntəqəsinə gedə bilməyənlər;
• Mühafizə altında olanlar;
• Xəstəxanada və ya seçki məntəqəsi olmayan digər xəstəxana müəssisələrində olanlar;
• İnzibati həbsdə olanlar;

Əlil arabası istifadə edən seçicilər kimə və hansı formada seçki məntəqəsini dəyişmək üçün müraciət edə bilər?

Yazılı və ya şifahi müraciət müvafiq dairə və ya məntəqə seçki komissiyasına təqdim edilə bilər.

Uyğunlaşdırılmış/əlçatan seçki məntəqələri haqqında yenilənmiş məlumat Mərkəzi Seçki Komissiyasının saytında (“Seçki Xəritəsi” bannerinin altında) yerləşdiriləcək.

Əlil arabası istifadə edən seçici seçki məntəqəsini dəyişmək üçün müvafiq dairə və ya məntəqə seçki komissiyasına neçə gün əvvəl müraciət etməlidir?

Əlil arabası istifadə edən seçici seçkilərdən ən azı 11 gün əvvəl müvafiq dairə və ya məntəqə seçki komissiyasına müraciət etməlidir.

Seçki 26 oktyabrda keçiriləcək, ona görə də bu il əlil arabası istifadə edən seçicilərin 15 oktyabradək vaxtı olacaq.

Seçki administrasiyası əlilliyi olan seçicilərə aşağıdakı xidmətləri təklif edəcək:

• Görmə məhdudiyyətli seçicilər – bülleten doldurmaq üçün çərçivə/şablon;
• Görmə zəifliyi olan seçicilər – iki böyüdücü şüşə;
• Əlil arabası istifadə edən seçicilər – uyğunlaşdırılmış seçki məntəqələrində səs vermək üçün xüsusi kabin;
• Kar və eşitmə məhdudiyyətli seçicilər – əlaqə mərkəzində işarə dili tərcüməçisi xidməti;
• Kar, eşitmə məhdudiyyətli və kömək edilən seçicilər – bütün seçki məntəqələrində səsvermə prosesində iştirakı göstərən poster. Posterə QR kod daxil ediləcək və bu kod vasitəsilə işarə dili və audio formatında səsvermə prosedurları haqqında məlumat əldə ediləcək.

Məcəlləyə görə, Mərkəzi Seçki Komissiyası görmə məhdudiyyətli seçicilərin bülletenləri müstəqil şəkildə doldurmalarını təmin edən texnologiyaların seçki məntəqələrində istifadəsini təmin etməlidir.

Gürcüstan seçkiləri tarixində bu gün, heç vaxt olmadığı qədər, sənin iştirakına ehtiyacımız var. Ölkəmizin demokratik gələcəyi hər birimizin fəal iştirakından asılıdır.

Yəqin ki, hamımız bölgələrdən paytaxta təhsil almaq, işləmək və ya sadəcə yaşamaq üçün gələn insanlar tanıyırıq. Anlayırıq ki, seçki günü dənizkənarı, dağlıq rayonlara və başqa bölgələrə qayıtmaq müəyyən vaxt, xərc və narahatlıqla əlaqəlidir. Bu çətinliklərin asanlaşdırılması üçün biz “Özünlə seçkilərə apar (გაიყოლე არჩევნებზე)” Facebook qrupu yaratmışıq:

Qrupa qoşulmaqla həmrayonlunuzu tapa bilərsiniz. Onlarla birlikdə seçkilərə getmək daha sürətli, asan və maraqlı olacaqdır.

Qrupumuza qoşul və 16 oktyabr seçkilərinə özünlə birlikdə apar.

Gürcüstan vətəndaşı qeydiyyatda olduğu ünvanda səs verir, lakin vətəndaşın faktiki ünvanı fərqlidirsə və səsvermə günü qeydiyyatda olduğu ünvana çata bilmirsə, ünvan dəyişdirilməsi mümkündür.

Qeydiyyat ünvanını dəyişdirmək üçün vətəndaş Ədliyyə Evinə və ya ictimai mərkəzə sənədlər təqdim etməli və ya onlayn ərizə doldurmalıdır bu👇

Yerində sizə doldurtduracaqları, təqdim olunmalı sənədlər:

1. Yaşayış yeri sahibinin razılığı. Təsdiq olunması üçün sahibkarla birlikdə Ədliyyə Evinə gedə bilərsiniz və ya öncə siz gedin, daha sonra isə sahibkar getsin. Bunun üçün ərizə daxil edən şəxlə sahibkarın ayrı-ayrı Ədliyyə Evlərinə getməsi mümkündür.
   Və ya
2. İki yetkin və səriştəli şəxsin vətəndaşın son 3 ay ərzində konkret ünvanda (nəzərə alın ki, bus şəxslərin səxsiyyətini təsdiq edən vəsiqələr lazım gələcək) yaşaması ilə bağlı yazılı təsdiqi.

Çıxarılmağa gəldikdə isə, bu aşağıdakı hallarda mümkündür:

1. Şəxsin yeni ünvana qeydiyyatı zamanı ərizə əsasında;
2. Yaşayış yeri sahibinin tələbi və ya iki yetkin, səriştəli şəxsin yazılı ərizəsi ilə.

Video təlimat üçün bağlantıya keçin👇